DA ginapanugyan ang pagkaon sang brown rice

dsc_1333Ginasakdag sang Department of Agriculture (DA) sa pagpanguna sang Philippine Rice Research Institute (PhilRice) ang proyekto nga #BROWN4good challenge agud mapalapnag kag mapataas ang produksyon kag pagkonsumo sang brown rice ukon pinawa sa pungsod. Kabahin ang #BROWN4good project sa Be RICEponsible Campaign sang PhilRice nga ginsugudan sang tuig 2014. Tinutuyo sang #BROWN4good project nga magnubo ang presyo sang brown rice sa merkado agud mas madamo pa nga mga Pilipino ang makakonsumo sini.

Ang brown rice isa ka sahi sang bugas nga upa (rice bran) lang ang ginakuha agud magpabilin ang sustansiya sini. Bisan ano nga baridad sang palay sarang nga mahimo pinawa apang ginapanugyan sang DA ang mga baridad nga mahumok kay mas manumit ini kaunon. Ang pagkaon sang brown rice makabulig sa pag-agum sang bastante nga bugas sa pungsod bangud mas mataas sang sing 10 ka porsyento ang milling recovery sini kun ipaanggid sa puti nga bugas. Halimbawa, kun ipagaling ang isa ka kilo nga palay mangin 650 gramo kun white rice kag mangin 750 gramo naman kun himuon nga brown rice. Makakini pa sa gamit nga enerhiya kun magpagaling kay indi na kinahanglan nga papution ang bugas. Gani, makabulig ini sang daku sa mga mangunguma nga nagapatubas sang palay.

May nanari-sari nga kaayuhan ang pagkaon sang brown rice kay may mas mataas nga protina, dietary fiber, Vitamin B, Vitamin E, minerals kag antioxidants sang sa puti nga kan-on. Bastante man ini sa Thiamin kag iban pa nga essential oils nga makabulig sa pagtapna sang mga balatian kaangay sang diabetes, heart failure kag cancer. Maayo ang brown rice sa mga may ara diabetes bangud mas manubo ang glyceminc index sini. Dugang pa dira, makabulusog ang brown rice kag maayo guid sa mga naga-diyeta. Ginapanugyan man sang DA ang pagkaon sang brown rice bilang alternatibo sa puti nga kan-on kag isa ka maayo nga solusyon sa malnutrisyon.

Sa pagluto, magbutang sang duha ka tasa nga tubig sa kada tasa sang brown rice kag huluman  ini sa sulod sang 30 ka minutos.

Ginahingyo sang DA Regional Field Office 6 sa pagpanguna ni Regional Executive Director Remelyn R. Recoter ang mga pumuluyo lakip na dira ang mga mangunguma, konsumidor, ahensya sang gobyerno, eskwelahan, kag iban pa nga magpasakop sa sini nga proyekto.

Magbakal sang brown rice kag lutuon sa balay. Kuhaan dayun sang litrato ang ginluto nga brown rice kag i-post sa mga social media accounts kaangay sang Facebook, Twitter kag Instagram. Butangan sang caption kag hashtags nga #BROWN4good #Region6. Siguraduhon nga ang posts naka public. Sa kada post, magahatag ang DA sang is aka tasa nga brown rice sa mga kubos nga pumuluyo diri sa Western Visayas. Nagsugod ang #BROWN4good Challenge sang Agosto 30 kag magapadayun tubtob sa Oktubre 31, 2016.

Makabakal sang brown rice sa mas manubo nga presyo sa Iloilo Rice Processing Complex (IRPC) nga nahamtang sa Brgy. Amamaros, Pototan, Iloilo. Ang kada kilo sang brown rice nagabili P36 tubtob P37 ukon P1,800- P1,850 sa kada isa ka sako. Magtawag lang kay Mr. Dionisio Hubag, ang Operations Manager sang IRPC sa telepono nga (033) 529-8780 ukon sa DA- Regional Agriculture and Fisheries Information Section sa telepono nga (033) 335-3423 para sa dugang nga kasayuran. #(Sheila Toreno/DA6Information)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s